မူလစာမျက်နှာ - မဟာမြိုင်တောရ

မဟာမြိုင်တောရ

သဲဖြူဆရာတော်

ဘဒ္ဒန္တပညာဇောတ

ပန်ထွာဘုရင်မ၏ ကျေးဇူးရှင်ဖြစ်သည့် ရသေ့ကြီးဖြစ်ခဲ့သော သဲဖြူဆရာတော်နှင့် မဟာဗောဓိမြိုင်ဆရာတော်ဘုရားကြီး မိန့်ကြားတော်မူသည့် ဒွတ္တဘောင်မင်း ဝင်စားသည့်ရဟန်းတော်

အရှင်မြတ်လောင်းလျာ ဖွားမြင်လာ

အရှင်မြတ်လောင်းလျာကို ခမည်းတော် ဦးမောင်နှင့် မယ်တော် ဒေါ်ဖွားစံတို့မှ ၁၃၂၃ – ခုနှစ်၊ တန်ဆောင်မုန်းလပြည့်ကျော် (၁)ရက်၊ ကြာသပတေးနေ့တွင် စစ်ကိုင်းတိုင်းဒေသကြီး၊ ရေဦးမြို့နယ်၊ မိုးဒေါင်ကျေးရွာ၌ ဖွားမြင်တော် မူသည်။

မြင့်မြတ်သာသနာဝင်ရောက်လာ

၁၃၃၃-ခုနှစ်၊ ကဆုန်လဆန်း (၁၄)ရက်နေ့တွင် မယ်တော်ခမည်းတော်တို့၏ ပစ္စယာနုဂ္ဂဟကိုခံယူကာ ရေဦးမြို့နယ်၊ မိုးဒေါင်ကျောင်းဆရာတော်ကို ဉပဇ္စျာယ်ပြုလျှက် ရှင်သာမဏေအဖြစ်သို့ ရောက်ရှိခဲ့ပါသည်။

ရဟန်းဘဝ ဖြစ်ခွင့်ရ

၁၃၄၂-ခုနှစ်၊ တန်ခူးလဆန်း (၁၅) ရက်၊ သောကြာနေ့တွင် ရန်ကုန်တိုင်းဒေသကြီး၊ ဗဟန်းမြို့နယ်၊ ညောင်တုန်းကျောင်းတိုက်ဆရာတော် ဘဒ္ဒန္တခေမိန္ဒာဘိဝံသကို ဉပဇ္စျာယ်ပြုလျှက် ရန်ကုန်မြို့ နယူးလင့်လမ်း (စကားဝါလမ်း) အမှတ်(၂၄) နေ၊ ဒေါ်မာမာ၊ သား – ဦးကျော်သန်း၊ သမီး ဒေါက်တာဒေါ်မြမြ၊ ဒေါက်တာဒေါ်လှလှ၊ မိသားစုတို့၏ ပစ္စယာနုဂ္ဂဟကို ခံယူကာ မြင့်မြတ်သော ရဟန်းအဖြစ်သို့ ရောက်ရှိခဲ့ပါသည်။